काठमाडौँ। अमेरिकाको भर्जिनियामा कार दुर्घटना हुँदा एकजना नेपालीको मृत्यु भएको छ। आठसविसकोट नगरपालिका–७ औलीघाँउ स्थायी ठेगाना भइ हाल अमेरिकामा बस्दै आएका बर्ष २१ का सुरेश केसीको मृत्यु भएको उनका साथी सुरेश गौतमले बताए।
गौतमका अनुसार एक बर्षअघि अमेरिका पुगेका केसी भर्जिनियाकै एक रेष्टुरेन्टमा काम गर्थे। ‘कामबाट फर्किने बेलामा उहाँ चढेको कार रुखमा ठोक्किएर दुर्घटना भएछ,’ उनले भने, ‘उक्त कारमा उनीसँगै चढेका अर्का एक जनाको पनि मृत्यु भएको भनिएको छ। तर उनी को हुन् भन्ने चाहिँ खुलेको छैन।’
कार चालक विजय तामाङलले अत्याधिक मदिरा सेवन गरेका कारण दुर्घटना भएको र चालक तामाङ प्रहरी नियन्त्रिणमा रहेको बताइएको छ । मृतक केसीको शव अस्पतालमा रहेको र आवश्यक प्रक्रिया पुर्याएर शव निकाल्ने तयारी भइरहेको पनि गौतमले बताए।
