कञ्चनपुर । कैलालीमा सोमबार राति मोटरसाइकल दुर्घटना हुँदा दुई जनाको मृत्यु भएको छ। गौरीगंगा नगरपालिका–१ मा मोटरसाइकल दुर्घटना भएको हो।
जिल्ला प्रहरी कार्यालय कैलालीका अनुसार दुई मोटरसाइकल एकआपसमा ठोकिँदा दुर्घटना भएको थियो। दुर्घटनामा परेर मृत्यु हुनेमा कञ्चनपुरको शुक्लाफाँटा नगरपालिकाका २६ वर्षीय चिरञ्जीवी मल्ल र कैलालीको जानकी गाउँपालिका–८ का २० वर्षीय निर्मल चौधरी छन्।
प्रहरीका अनुसार बा ९५ प ९२५२ नम्बरको मोटरसाइकल र विपरीत दिशाबाट आउँदै गरेको से ६ प ६२७९ नम्बरको मोटरसाइकल गौरीगंगा नगरपालिका–१ गोपकामा दुर्घटना भएको थियो।
मृतक दुवै जनाको शव अहिले धनगढीस्थित सेती प्रादेशिक अस्पतालमा राखिएको छ।
