महेन्द्रनगर । कञ्चनपुर जिल्लाको बेदकोट नगरपालिका–९ सुन्दरपुरबाट लागू औषधसहित एक युवकलाई प्रहरीले पक्राउ गरेको छ।
२०८१ साल भदौ ११ गते साँझ ४:३० बजेको समयमा नेपाल प्रहरी प्रदेश कार्यालय महेन्द्रनगर, लागू औषध नियन्त्रण ब्युरो शाखा महेन्द्रनगर र प्रहरी चौकी सुडाबाट खटिएको संयुक्त टोलीले २२ वर्षीय सागर चन्दलाई नियन्त्रणमा लिएको हो।
प्रहरीको अनुसार सागर चन्दलाई १.२८ ग्राम खैरो हिरोइन जस्तो देखिने लागू औषधसहित फेला पारेको र उनलाई थप अनुसन्धानका लागि नियन्त्रणमा राखिएको छ। प्रहरीले घटनाबारे थप अनुसन्धान जारी राखेको जनाएको छ।
