महेन्द्रनगर । कञ्चनपुरमा लागु औषध (खैरो हिरोइन) सहित तीन जना पक्राउ परेका छन् । शनिवार जिल्लाको भीमदत्त–११ होल्डिङ चौराहबाट २० वर्षिय जितेन्द्र बोहरा सहित दुई जनालाई ०.९३ ग्राम लागू औषध (खैरो हेरोईन) सहित प्रहरीले पक्राउ गरेको छ ।
त्यस्तै लागू औषध कारोबार भई रहेको गोप्य सुचनाको आधारमा प्रहरीले भीमदत्त–७ हल्दुखालबाट ०.६७ ग्राम लागु औषध (खैरो हिरोईन) सहित २० वर्षिय कौसल महरालाई समेत प्रहरीले पक्राउ गरेको छ ।
लागु औषध (हैरो हिरोईन) सहित पक्राउ परेका महरा संगैं रहेका सौरभ सिँह र मनोज सिँहलाई समेत नियन्त्रणमा लिई थप अनुसन्धान भईरहेको प्रहरीले जनाएको छ ।
जिल्ला प्रहरी कार्यालय कञ्चनपुर र लागू औषध नियन्त्रण व्युरो शाखा महेन्द्रनगरको संयुक्त टोलीले उनिहरुलाई पक्राउ गरेको हो ।
