Thursday, May 30, 2024

नेविसंघ कञ्चनपुरद्वारा प्रधानमन्त्री तथा मन्त्रीपरिषद्को कार्यालयलाई ज्ञापनपत्र

प्रकाशित:

महेन्द्रनगर । नेपाल विद्यार्थी संघ (नेविसंघ) कञ्चनपुरले प्रधानमन्त्री पुष्पकमल दाहाल ‘प्रचण्ड’ लाई जिल्ला प्रशासन कार्यालय कञ्चनपुरद्वारा ज्ञापन पत्र बुझाएको छ ।

मंगलबार जिल्ला प्रशासन कार्यालय कञ्चनपुरका सहायक प्रमुख जिल्ला अधिकारी धर्मराज जोशी मार्फत नेविसंघ कञ्चनपुरका अध्यक्ष रमेश चटौत लगायतका विद्यार्थी नेताहरुले प्रधानमन्त्री पुष्पकमल दाहाल ‘प्रचण्ड’ लाई ज्ञापन पत्र पठाएका हुन् ।

सहकारीबाट बचतकर्ताले भोग्नुपरेका समस्या र समग्र शैक्षिक अवस्थाको उन्नयनका लागि नेविसंघ कञ्चनपुरले नेपाल सरकार प्रधानमन्त्री तथा मन्त्रीपरिषद्को कार्यालयलाई ध्यानाकर्षण सहित ज्ञापन पत्र बुझाएको हो ।

सहकारी बचतकर्ताहरुको बचत फिर्ता गराउन, सहकारीको समस्यालाई दिगो रुपमा समाधान गर्न र सहकारीको रकम दुरुपयोग गर्नेहरुलाई कानूनी दायरामा ल्याउनुपर्ने नेवि संघ कञ्चनपुरको माग छ ।

त्यस्तै सहकारी ठगीमा संलग्न सहकारी संस्था, सदस्य र सम्बन्धित व्यक्तिहरुलाई कानूनको दायरामा ल्याउन तत्काल निष्पक्ष छानबिन समिति गठन गर्न माग गरिएको छ ।

विद्यार्थी केन्द्रीत आवश्यक परिमार्जन एवं संसोधन सहित विद्यालय शिक्षा विधेयक २०८० तत्काल लागु गर्न समेत माग गरिएको छ ।

उच्च शिक्षामा अध्ययन तथा अनुसन्धान गर्ने गर्ने अवसर उपलब्ध गराई प्रतिस्पर्धाको आधारमा उच्च शिक्षाको गुणस्तर अभिबृद्धि गरि देशको शैक्षिक अर्थात प्राज्ञिक क्षेत्रलाई अझ बढी गुणस्तरिय, मर्यादित र उपलब्धिमुलकका लागि सम्बन्धित निकायहरुलाई चुस्तराख्नका लागि नेविसंघ कञ्चनपुरले ससक्त माग सहित प्रधानमन्त्री प्रचण्डलाई ज्ञापनपत्र बुझाएको हो ।

May be an image of 11 people, temple and text

May be an image of 2 people and people studying

No description available.

 

ताजा समाचार

सम्बन्धित समाचार