महेन्द्रनगर । कञ्चनपुरको महेन्द्रनगर स्थित खुलामञ्चमा सञ्चालन रहेको जिल्ला फुटबल प्रतियोगिताको तेस्रो दिन एक बराबरी र एक टिमले विजयी सुरुवात गरेको छ। आज बुधबारका दिन दुई खेल सम्पन्न भएका छ्न्।
पहिलो खेल डिफेन्डिङ च्याम्पियन क्लब दिप ज्योति युवा क्लब र निङ्गलाशैनी विकास बिच बिहान ९ बजे भएको खेलमा दुबै टिमले १९१ गोलको बराबरी खेल्दै समान एकएक अंक बाडेका छन् । प्रतियोगिता तेस्रो दिन दोस्रो खेल सेक्युर्ड नेपाल र अरनिको युवा क्लब बिच अपरान्ह ४ बजे भएको थियो।
सो खेलमा सेक्युर्ड नेपालले ४९१ गोलको अन्तरले अरनिको क्लब लाई हराउदै विजय सुरुवात गरेको छ। सेक्युर्ड नेपालले पहिलो जित निकाल्दै ३ अंक जोडेको छ। प्रतियोगिता चौथो दिन भोलि तीन खेल हुने छन्। पहिलो खेल बिहान ९ बजे त्रीपुरा युवा समाज र महेन्द्रनगर युनाइटेड बिच प्रतिस्पर्धात्मक खेल हुने छ।
उक्त दिनको दोस्रो खेल बिहान ११ बजे कञ्चन समाज र रोयल गोर्खाज स्पोर्ट्स सर्कल बिच हुने छ। भने अन्तिम अर्थात चौथो दिनको अन्तिम तेस्रो खेल आदर्श नेपाल र राम युवा क्लब पुनर्वास बिच अपरान्ह ४ बजे कडा प्रतिस्पर्धात्मक खेल हुने प्रतियोगिता संयोजक नितेश रावलले बताएका छन् ।
