Sunday, May 26, 2024

मध्यरातमा महिलाको घरमै गई बलात्कार गर्न खोज्ने युवक पक्राउ

प्रकाशित:

काठमाडौँ । मध्यरातमा महिलाको घरमै गई बलात्कार गर्न खोजेको आरोपमा एक व्यक्ति पक्राउ परेका छन् ।

सल्यानको दार्मा गाउँपालिका वडा नम्बर ४ स्थित भल्चौर घर भई हाल काठमाडौँको मित्रनगर बस्ने २९ वर्षीय बिक्रम थापालाई काठमाडौँ उपत्यका अपराध अनुसन्धान कार्यालयको टोलीले पक्राउ गरेको हो ।

उनले एक युवतीलाई गत पुस १६ गते उनकै घरमा मध्यराति १२ बजे गएर बलात्कारको प्रयास गरेको र सो क्रममा प्रतिकार गर्दा उनी कुटपिट गरेर फरार भएका थिए ।

वैदेशिक रोजगारमा ठगी गरेको आरोप लागेका अर्का व्यक्ति अजय थापालाई खोज्ने क्रममा थापाको समेत मोवाइल हेर्दा शंकास्पद देखिएपछि जिल्ला प्रहरी कार्यालय सल्यानसँग समन्वय गरिएको काठमाडौँ उपत्यका अपराध अनुसन्धान कार्यालयले जनाएको छ ।

थापाविरुद्ध सो घटनामा मुद्दा रहेको र उपस्थित गराई दिन भनि पत्राचार भएअनुसार पक्राउ गरेर सल्लान प्रहरीलाई जिम्मा लगाइएको कार्यालयले सोमबार जारी गरेको विज्ञप्तिमा उल्लेख छ ।

ताजा समाचार

सम्बन्धित समाचार