महेन्द्रनगर । कञ्चनपुरको बेलौरी बजारमा अवस्थित कालिका मन्दिरमा अखण्ड रामायण पाठ भइरहेको छ । यही माघ ८ गते भारतको अयोध्यामा राम मन्दिरको प्राण प्रतिष्ठाको अवसर पारेर आइतबारदेखि अखण्ड रामायण पाठ सञ्चालन गरिएको मुख्य कर्ता प्रकाशराज पन्तले बताउनु भयो ।
योसँगै बेलौरी नगरपालिकामा रहेका सबै मन्दिरहरूमा दीप प्रज्वलन तथा पूजा अनुष्ठानको कार्यक्रम समेत रहेको बताइएको छ । सम्पूर्ण बेलौरीवासीहरूमा सहभागिताका लागि आमन्त्रण गरिएको छ ।
यस्तो छ कार्य तालिका
१.अखण्ड रामायण पाठ स् २०८०,१०,०७ गते बिहानदेखि ०८ गतेसम्म
२.भजन कीर्तन स् २०८०,१०,०८ गते बिहान १० बजेदेखि दिउँसो २ बजेसम्म
३.श्रीकृष्ण मन्दिर रिछाहादेखि बजार हुँदै कालिका मन्दिरसम्म परिक्रमा २०८०,१०,०८ गते दिउँसो २;३० बजेदेखि
४.भण्डारा तथा प्रसाद वितरण स् २०८०,१०,०८ गते दिउँसो २;३० बजेदेखि
५.घरघरमा दीप प्रज्वलन तथा दीपावली स् २०८०,१०,०८ गते बेलुका ६;३० बजेदेखि
आआफ्नो गाउँ टोलमा रहेका हरेक मन्दिरहरूमा दीप बत्ती तथा पूजा अर्चनामा सरिक भइदिन हुन समेत सबैमा अनुरोध गरिएको छ ।
