महेन्द्रनगर । दार्चुला खलंगाबाट महेन्द्रनगरका लागि छुटेको बस महाकाली नगरपालिका–५ को फोहोरमैला संकलन केन्द्र नजिक दुर्घटनामा परेको छ । शुक्रबार बिहान दार्चुला खलंगाबाट महेन्द्रनगरका लागि हिडेको सुदूरपश्चिम प्रदेश ०२००१ ख १०३१ नम्बर को बस महाकाली–५ फोहोरमैला संकलन केन्द्र नजिक खिमटडीमा दुर्घटना हुँदा चालक सहित १४ जना घाइते भएका छन् ।
उक्त दुर्घटनामा चालकसहित १४ जना घाईते भएको जिल्ला प्रहरी कार्यालय दार्चुलाले जनाएको छ । घाईतेहरुको जिल्ला अस्पतालमा उपचार भइरहेको प्रहरीले बताएको छ ।
२ जनाको अवस्था गम्भीर रहेको प्रहरीले जनाएको छ ।
गाडीको पट्टा टुटेर उक्त दुर्घटना भएको बताइएको छ । घाईतेहरुको विवरण अहिले सम्म खुल्न सकेको छैन् ।
