-भुपेन्द्र ओली ।
हेल्थपोष्ट । कञ्चनपुरको एक विद्यालयका ९ ओटा सिसिटिभी क्यामेरा चोरी भएका छन् । दोधारा चाँदनीको भानु माद्यमिक विद्यालयमा जडान गरिएका ९ ओटा सिसिटिभी क्यामेरा चोरी भएका हुन् ।
![वातावरण संरक्षण तथा समाज कल्याण संघ नेपाल (पेशवान) द्वारा जारी सूचना ।।](https://nigaranikhabar.com/wp-content/uploads/2024/01/22fd5bae-c175-49e7-8e38-cc351ae8f5e6.jpg)
शुक्रवार राती ७ ओटा, झण्डै २ महिना पहिले एक ओटा र एक साता अघि अर्को एक थान सिसिटिभी क्यामेरा चोरी भएको विद्यालय व्यवस्थापन समितिका अध्यक्ष दिल बहादुर सिजालीले बताए ।
![](https://nigaranikhabar.com/wp-content/uploads/2022/11/harikrishna-traders-suppliers.gif)
विद्यालयको मूल गेट र विद्यालय परिसरमा जडान गरेका जम्मा ९ थान सिसिटिभी क्यामेरा चोरी भएको उनले बताए ।
![](https://nigaranikhabar.com/wp-content/uploads/2024/01/NNSWA.jpg)
‘भानु माविमा श्रृंखलाबद्ध चोरी हुँदै आएको छ। झण्डै २ महिना अघि मुल गेटमा लगाएको क्यामेरा चोरी भयो । एक हप्ता पहिले अर्को एक क्यामेरा चोरी भयो ।’ विद्यालय व्यवस्थापन समितिका अध्यक्ष सिजालीले भने, ‘फेरी मंसिर २९ गते राती विद्यालयको परिसरमा लगाएका ७ ओटा सिसिटिभी क्यामेरा चोरी भएका छन् ।’
सिसि टिभी क्यामेरा चोर्न तीन जना संलग्न भएको भुटेजमा प्रष्ट देखिएको छ । विद्यालयले चोरी भएको प्रत्येक पटकको घटनामा प्रहरीलाई निवेदन सहित जानकारी गरेको छ ।
यस विषयमा अनुसन्धान जारी रहेको इलाका प्रहरी कार्यालय दोधारा चाँदनीले जनाएको छ ।
भिडियो लिङ्कः https://www.facebook.com/61553305388227/videos/1493711111480319