महृेन्द्रनगर । लालझाडी गाउँपालिका ईन्जिनियर राम प्रशाद अवस्थीमाथि निर्माण व्यवसायीले हातपात गरेका छन् । लालझागीको कञ्ज गाउँमा निर्माणाधिन सडक कालोपत्रे निर्माणस्थलमा इन्जिनियर अवस्थीमाथि ठेकदार कम्पनी कन्दकला कस्ष्ट्रक्सन प्रालिका सञ्चालक भीम बहादुर रानाले हातपात गरेका हुन् ।
![वातावरण संरक्षण तथा समाज कल्याण संघ नेपाल (पेशवान) द्वारा जारी सूचना ।।](https://nigaranikhabar.com/wp-content/uploads/2024/01/22fd5bae-c175-49e7-8e38-cc351ae8f5e6.jpg)
गाउँपालिकाले गत आर्थिक वर्षमा एक किलोमिटर सडक कालोपत्रेका लागि ठेक्का दिएको थियो । सडक निर्माणका विषयलाई लिएर दुबै जना विवाद भएपछि हातपात गरिएको हो ।
![](https://nigaranikhabar.com/wp-content/uploads/2022/11/harikrishna-traders-suppliers.gif)
इन्जििनियर अवस्थीले भने आफूले सडक निर्माण गुणस्तर बनाउनु पर्ने बताएपछि कुटपिट गरिएको बताएका छन् । ‘मलाई आज दिउँसोतिर सडक निर्माण स्थलमै बोलाएर निर्माण व्यवसायी भीम रानाले कुटपिट गरेका हुन, ‘ईन्जिनियर अवस्थीले भने, ‘मैले सडक गुणस्तरको विषय उठान गर्दा कुटपिट गरिदियो ।’
![](https://nigaranikhabar.com/wp-content/uploads/2024/01/NNSWA.jpg)
ठेकेदार रानाले भने इन्जिनियर अवस्थीले आफूलाई सुरुदेखि दुःख दिँदै आएको र आफूसित डेढ लाख घुस मागेपछि धकेलाधकेल भएको बताए । ‘योजना शुरु हुँदाकै बखत ईन्जिनियर राम प्रशाद अवस्थीले म बाट डेढ लाख घुस माग्यो, मैले दिएन, त्यसपछि उनले मेरो काम र योजनामा जहिल्यै पनि दुःख दिन थाले’ उनले भने, ‘घुस नदिएका कारण फरफारक नगरेपछि समान्य य धकेलाधकेल भएको मात्रै हो ।’
लालझाडी गाउँपालिका कार्यालयका सूचना अधिकारी नरेश चौधरीले घट्नाबारे आफूलाई कुनै जानकारी नभएको
बताए ।