महेन्द्रनगर । मिनी ट्रक दुर्घटना हुँदा कैलालीको बुढीतोलामा १ जनाको मृत्यु भएको छ भने १ दर्जन बढी घाइते भएका छन् ।सोमबार साँझ गोदावरी नगरपालिका–४ बुढितोलामा से१ख १४३८ नम्बरको मिनी ट्रक दुर्घटना हुँदा १ महिलाको मृत्यु भएको र १३ जना घाइते भएको प्रहरीले जनाएको छ ।
ट्रक अनियन्त्रित भई सडकको छेउमा पल्टिँदा ट्रकमा सवार महिलाको घटनास्थलमै मृत्यु भएको प्रहरीले जनाएको छ ।मृतक महिलाको पहिचान अझै खुल्न नसकेको प्रहरीको भनाई छ ।दुर्घटनामा परी डोटी जोरायल गाउँपालिका–२ बस्ने ३४ वर्षीय ललिता सारू, पाँच वर्षीय आर्यान सारू, दुई वर्षीय आरसी सारू, ४० वर्षीय हुकुम विक, १४ वर्षीय जीवन विक, ६० वर्षीय रंग कामी, २५ वर्षीय २५ भरत मल्ल, १८ वर्षीय भुवन मडै, २८ वर्षीय यादव रावल, ४० वर्षीय राम बहादुर रावत घाइते भएका छन् ।
घाइतेहरुको अत्तरियास्थित पदमा अस्पतालमा उपचार भइरहेको जनाइएको छ ।यस्तै १२ वर्षीय विपिन विक, ३६ वर्षीय टेक बहादुर सारू, ३४ वर्षीय कल्पना विकको पदमा अस्पतालमा उपचार सम्भव नभएपछि धनगढीस्थित माया मेट्रोमा उपचार भइरहेको प्रहरीले जानकारी दिएको छ ।
