बझाङ । विप्लवनिकट नेकपाले बझाङको बुंगल नगरपालिकाका प्रमुख र उपप्रमुखको कार्यकक्षमा ताला लगाएको छ।
![वातावरण संरक्षण तथा समाज कल्याण संघ नेपाल (पेशवान) द्वारा जारी सूचना ।।](https://nigaranikhabar.com/wp-content/uploads/2024/01/22fd5bae-c175-49e7-8e38-cc351ae8f5e6.jpg)
नगरपालिका एक महिनादेखि प्रमुख प्रशासकीय अधिकृतविहीन भएपछि विजगडास्थित नगरपालिका कार्यालयमा नगर प्रमुख जयबहादुर धामी र उपप्रमुख धनबहादुर बोहराको कार्यकक्षमा ताला लगाएको हो। नेकपाले आइतबार विज्ञप्ति जारी गर्दै नगरपालिकालाई कार्यकर्ता भर्ती केन्द्र बनाएको आरोपसमेत लगाएको छ।
![](https://nigaranikhabar.com/wp-content/uploads/2022/11/harikrishna-traders-suppliers.gif)
दलगत स्वार्थका कारण कर्मचारी खिचातानी गर्नाले नगरपालिका कार्यालय कार्यकारीविहीन भएको विज्ञप्तिमा आरोप लगाइएको छ। यसकारण स्थानीयले ठूलो सास्ती भोग्नु परेको र उक्त समस्या समाधान गर्न ताला लगाएको पार्टीका जिल्ला सेक्रेटरी जीवनले बताए।
![](https://nigaranikhabar.com/wp-content/uploads/2024/01/NNSWA.jpg)
जनताको पीडा सम्बोधन नभए कडा संर्घषमा जानेसमेत विज्ञप्तिमा उल्लेख गरिएको छ। नगर उपप्रमुख बोहरा केही समयअघिदेखि धनगढी र नगर प्रमुख धामी काठमाडौंमा रहेका छन्।