Wednesday, May 29, 2024

सीमा क्षेत्रमा हुने अपराधिक गतिविधि रोक्न बि.ओ.पि.बेलौरी द्धारा अन्तरक्रिया कार्यक्रमको आयोजना

प्रकाशित:

महेन्द्रनगर । कञ्चनपुरको बेलौरीमा रहेको बोडर आउट पोस्ट बेलौरीले सिमामा अपराध रोकथाम तथा चोरी निकासी,पैठारी नियन्त्रण सम्बन्धि अन्तरक्रिया कार्यक्रमको आयोजना गरेको छ ।

शुक्रबार बेलौरीका सक्रिय विभिन्न राजनीति दलक प्रतिनिधि,जनप्रतिनिधि, विभिन्न संघसंगठनका प्रतिनिधि,ब्यापारी,पत्रकार तथा स्थानीय नागरिकको उपस्थितिमा बोडर आउट पोस्ट बेलौरीले एक कार्यक्रमका बिच सिमा अपराध रोकथाम तथा चोरी निकासी÷पैठारी नियन्त्रण सम्बन्धि अन्तरक्रिया कार्यक्रमको आयोजना गरेको हो ।

अन्तरक्रिया कार्यक्रममा सिमानाका हुने अपराध तथा अन्य घटना नियन्त्रण,सिमानाका भएर वारपार गर्ने दुबै देशका नागरिकको अनिवार्य नाम ईन्ट्री गर्नुपर्ने,तस्करीमा सङलग्नलाई नियन्त्रणमा लिई कार्वाही गर्नुपर्ने र सिमानाकाका महत्त्वपूर्ण स्थानहरूमा आवश्यक जनशक्ति खटाएर अनिवार्य सुरक्षाको लागि प्रवन्ध मिलाउनु पर्ने लगायतका सवालहरु कार्यक्रममा सहभागीहरुले राख्नुभएको थियो ।

सिमानाकामा चोरी तस्करी, लागुऔषध, मानवबेचबिखन तथा अपराध लगायतका घटना नियन्त्रण गर्ने सवालमा बेलौरीका सक्रिय विभिन्न राजनीति दलका प्रतिनिधि,जनप्रतिनिधि,विभिन्न संघ संस्थाका प्रतिनिधि,ब्यापारी,पत्रकार तथा स्थानीय नागरिकको महत्त्वपूर्ण साथको आवश्यकता रहने र थप सुझाव सल्लाह आदानप्रदानका लागि अन्तरक्रिया तथा छलफल गरिएको बि.ओ.पि.बेलौरीका प्रहरी निरीक्षक गोकर्ण भट्टराईले जानकारी दिनुभएको छ ।

ताजा समाचार

सम्बन्धित समाचार