महेन्द्रनगर । ओली कार्तिक २६ गते पुनः सुदूरपश्चिम आउने कार्यक्रम तय भएको छ । नेकपा एमाले सुदूरपश्चिम प्रदेश कमिटी सचिव धर्मराज पाठकका अनुसार सो दिन ओलीले तीन वटा आमसभालाई सम्बोधन गर्ने कार्यक्रम तय भएको छ ।
ओलीले कार्तिक २६ गते डोटीको दीपायलमा हुने आमसभा, सोही दिन २ बजे कैलालीको अत्तरिया र ४ बजे लम्कीको आमसभालाई सम्बोधन गर्ने छन् ।
प्रधानमन्त्री शेरबहादुर देउवाले कार्तिक १७ गतेदेखि २० गतेसम्म गृहजिल्ला डडेल्धुराका विभिन्न ७ ठाउँमा भएका चुनावी आमसभालाई सम्बोधन गरेका थिए ।
अहिले प्रधानमन्त्री देउवा कैलालीको धनगढीस्थित आफ्नै निजी निवासमा बसिरहेका छन् । यतैबाट बुधवार दार्चुला र बैतडीमा हुने आमसभालाई सम्बोधन गर्न देउवा त्यतातर्फ जाने कार्यक्रम छ।
सोही आमसभालाई सम्बोधन गर्न सत्तारुढ नेकपा माओवादी केन्द्रका अध्यक्ष पुष्पकमल दाहाल ९प्रचण्ड० र नेकपा एकीकृत समाजवादीका अध्यक्ष माधव कुमार नेपाल पनि आउँदैछन्।
