महेन्द्रनगर । दार्चुलाको बाढीपहिरो प्रभावित क्षेत्रमा राहत लिएर मन्त्रीसहितको टोली गएको छ।
![वातावरण संरक्षण तथा समाज कल्याण संघ नेपाल (पेशवान) द्वारा जारी सूचना ।।](https://nigaranikhabar.com/wp-content/uploads/2024/01/22fd5bae-c175-49e7-8e38-cc351ae8f5e6.jpg)
उद्योग, वाणिज्य तथा आपूर्तिमन्त्री दिलेन्द्र बडू, सुदूरपश्चिम प्रदेशका आन्तरिक मामिला तथा कानुनमन्त्री डा. रणबहादुर रावल, वनमन्त्री मानबहादुर धामी सहितको टोली बाढी पहिरो प्रभावित क्षेत्रमा गएका छन् ।
![](https://nigaranikhabar.com/wp-content/uploads/2022/11/harikrishna-traders-suppliers.gif)
सेनाको हेलिकोप्टरमार्फत प्रभावित क्षेत्रका लागि मन्त्री सहितको टोली उडेको छ।शुक्रबार रातिदेखिको अविरल वर्षासँगै दार्चुला महाकाली नगरपालिका र नौगाड गाउँपालिकामा ठूलो क्षति गरेको छ।
![](https://nigaranikhabar.com/wp-content/uploads/2024/01/NNSWA.jpg)
जिल्ला प्रहरी कार्यालयका अनुसार अहिलेसम्म ५ जनाको मृत्यु भएको छ भने ८ जना घाइते भएका छन्। अझै १० जना बेपत्ता छन्।
बाढीपहिरोले महाकाली नगरपालिका र नौगाड गाउँपालिकाका ४२ घरमा पूर्ण र ९ मा आंशिक क्षति पुगेको छ। प्रहरीका अनुसार ४० घर जोखिममा छन्।
यस्तै, एउटा विद्यालय, विद्युतगृह, दुई वटा झोलुङ्गे पुल, मोटरेबल पुल, पार्किङ्ग गरेर राखिएका ६ जिप, १/१ कार, ट्याक्टर र जेसीबी पनि बाढीले बगाएको छ।