महेन्द्रनगर । नेपाल विद्यार्थी संघ (नेवि संघ) कञ्चनपुरको आधिकारिकता सम्बन्धमा केन्द्रीय साचिवालले प्रेस विज्ञप्ती जारी गरेको छ । सोमबार नेपाल विद्यार्थी संघ केन्द्रीय सचिवाल काठमाडौंले एक प्रेस विज्ञप्ति जारी गर्दै रमेश चटौत नेतृत्वको कार्य समिति नै आधिकारिक रहेको जनाएको छ ।
![](https://nigaranikhabar.com/wp-content/uploads/2022/11/harikrishna-traders-suppliers.gif)
नेवि संघ केन्द्रीय सचिवालयका मुख्य सचिव विजय खड्काद्वारा हस्ताक्षरित प्रेस विज्ञप्तिमा रमेश चटौतको नेतृत्वमा रहेको जिल्ला कार्य समिति बाहेक कञ्चनपुरमा अरु कुनै पनि कार्यसमिति अस्तित्वमा नरहेको व्यहोरा उल्लेख गरिएको छ ।
![](https://nigaranikhabar.com/wp-content/uploads/2024/01/NNSWA-NEW-AD.jpg)
उक्त प्रेस विज्ञप्तिमा भनिएको छ–‘उपरोक्त सम्बन्धमा नेपाल विद्यार्थी संघ कञ्चनपुर जिल्लामा श्री रमेश चटौतको नेतृत्वमा रहेको जिल्ला कार्यसमिति बाहेक अरु कुनैपनि कार्यसमिति अस्तित्वमा नरहेको व्यहोरा जानकारी गराइन्छ । तसर्थ रमेश चटौतको नेतृत्वमा रहेको कार्य समितिलाई सहयोग गरिदिन हुन नेपाल विद्यार्थी संघमा आवद्ध सम्पुर्ण साथीहरुलाई अनुरोध गर्दछु ।’ भन्दै नेवि संघ केन्द्रीय सचिवालका मुख्य सचिव विजय खड्काले प्रेस विज्ञप्ति जारी गरेका छन् ।
![](https://nigaranikhabar.com/wp-content/uploads/2024/01/Mantra-Hospital-MNR.webp)
कञ्चनपुरमा चटौत नेतृत्वको कार्यसमिति नै आधिकार भएको सम्बन्धमा जारी गरिएको प्रेस विज्ञप्ति नेवि संघको आधिकारिक फेसबुक पेजमा समेत राखिएको मुख्य सचिव खड्काले बताए ।
चटौतलाई झण्डै एक वर्ष अघि ०७९ माघ १३ गते नेवि संघका केन्द्रीय अध्यक्ष दुजाङ्ग शेर्पाले जिल्ला अधिवेशन गर्ने गरी अध्यक्षको जिम्मेवारी तोकेका थिए ।
नेवि संघ केन्द्रीय सचिवालको आधिकारिक फेसबुक पेजमा रहेको प्रेस विज्ञप्तिको लिङ्कः https://www.facebook.com/photo?fbid=374071931926733&set=a.112246971442565