कञ्चनपुर। कञ्चनपुरको बेदकोट नगरपालिका–६ सिसैयामा आगलागी भएको छ।
बिहिबार राति ९ बजे सिसैयामा मान बहादुुर चौधरीले सञ्चालन गरेको त्रिलोक अटो सर्भिसमा आगलागी भएको हो।
प्रहरीका अनुसार विद्युतको तार सर्ट भएर आगलागी भएको थियो।
आगलागीले अटो सर्भिसभित्र रहेका नगद र अन्य सामानसहित करिब २० लाख मूल्य बराबरको धनमाल जलेर नष्ट भएको छ।
स्थानीय, प्रहरी र दमकलको सहयोगमा आगलागी नियन्त्रणमा लिइएको थियो।
