कञ्चनपुर। कैलाली र बाजुरामा गरेर लागुऔषधसहित ४ जना पक्राउ गरेका छन्।
शनिबार दिउँसो कैलालीको धनगढी उपमहानगरपालिका–१७ पथरीयाबाट ठाउँ का २३ वर्षीय पप्पु पक्राउ परे। उनको साथबाट १३० मिलिग्राम लागुऔषध खैरो हेरोइन बरामद गरिएको प्रहरीले जनाएको छ।
शनिबार दिउँसो नै धनगढी उपमहानगरपालिका–१५ कनरीबाट सोही ठाउँका २४ वर्षीय नबिन चौधरी पनि पक्राउ परे। उनको साथमा २९० मिलिग्राम खैरो हेरोइन फेला परेको थियो।
इलाका प्रहरी कार्यालय चौमालाले गौरीगंगा नगरपालिका–१ चौमाला बजारबाट सोही ठाउँका २९ वर्षीय हर्क बहादुर भाटलाई खैरो हेरोइनसहित नियन्त्रणमा लियो। उनको साथमा ५० मिलिग्राम खैरो हेरोइन फेला परेको थियो।
जिल्ला प्रहरी कार्यालय बाजुराबाट खटिएको प्रहरी टोलीले बाजुराको बडिमालिका नगरपालिका–८ मार्तडी गौडाका ३७ वर्षीय मागी धामीलाई चरेशसहित समात्यो। धामीले आफ्नै घरभित्र लुकाएर राखेको अवस्थामा ५८.२ ग्राम चरेश बरामद गरिएको थियो।
