कञ्चनपुर। कञ्चनपुरमा लागुऔषध खैरो हेरोइनसहित तीन जना किशोर पक्राउ परेका छन्।
जिल्ला प्रहरी कार्यालयका अनुसार भीमदत्त नगरपालिका–१७ मझगाउँबाट उनीहरुलाई नियन्त्रणमा लिइएको हो।
पक्राउ पर्नेमा भीमदत्त नगरपालिका–१५ का एक जना १८ वर्षीय किशोर र भीमदत्त नगरपालिका–१८ का दुई किशोर छन्।
बिहिबार बेलुकी जिप्रका कञ्चनपुर र अस्थायी प्रहरी पोष्ट मझगाउँबाट संयुक्त खटिएको प्रहरी टोलीले उनीहरुको साथबाट ०.९६ ग्राम लागु औषध खैरो हेरोइन बरामद गरेको थियो।
उनीहरु सवार म २ प ४२०८ नम्बरको मोटरसाइक समेत प्रहरीले नियन्त्रणमा लिएर थप अनुसन्धान गरिरहेको छ।
