कञ्चनपुर। कैलालीमा मोटरसाइकल दुर्घटना हुँदा एक किशोरको मृत्यु भएको छ।
जिल्ला प्रहरी कार्यालयका अनुसार मंगबार राति भएको मोटरसाइकल दुर्घटनामा कैलारी गाउँपालिका–५ का १७ वर्षीय सागर बिकको मृत्यु भएको हो।
कैलार गाउँपालिका–५ मनिकापुरमा सोही ठाउँका १८ को जोनसोन चौधरीले चलाएको बा ८९ प ६१३९ नम्बरको मोटरसाइकल आफै अनियन्त्रित भएर दुर्घटना भएको थियो।
मोटरसाइकलमा पछाडी सवार सोही ठाउँका १७ वर्षीय सागर बिक गम्भिर घाइते भएका थिए। उनलाई उपचारका लागि धनगढीको माया मेट्रो अस्पताल लगिएको थियो।
उपचारको क्रममा बुुधबार बिहान ४ बजे बिकको मृत्यु भएको प्रहरीले जनाएको छ।
दुर्घटनाग्रस्त मोटरसाइकल र मोटरसाइकल चालक मोटरसाइकल १८ को जोनसोन चौधरीलाई प्रहरीले नियन्त्रणमा लिएको छ।
