पवन औजी / महेन्द्रनगर । चर्चित देउडा गायक शेरी औजीको गौरा विशेष “शर्क बादल” बोलको गीत सार्वजनिक भएको छ् ।
गायक औजी र रेखा जोशीको आवाज रहेको उक्त गीत शनिबार शेरी औजी युटुब च्यानल मार्फत सार्वजनिक गरिएको हो । माधव बिष्ट शेरी औजी र सुरत नेगीको शब्द रहेको उक्त गीतमा मिक्सिङ्ग र अरेन्ज कृष्ण बाजुरेलीले गरेका हुन् ।
त्यसैगरी उक्त गितमा प्रकाश जोशी र एस्वर्या बिष्टको अभिनय रहेको छ् । सुदूरपश्चिमेलिहरुको प्रमुख पर्व गौरा पर्वका अवसरमा गीत सार्वजनिक गरिएको चर्चित गायक औजीले बताए । उनले अरु गीत जस्तै उक्त गीतलाई पनि माया गर्न समेत श्रोता दर्शकहरूलाई आग्रह गरेका छन् ।
लोकप्रिय गायक औजीका पछिल्लो समय आएका गीतहरुले निकै चर्चा कमाइ रहेका छन् भने, केही समय पछि पुन अर्को गीत ल्याउने तयारीमा रहेको समेत गायक औजीले बताएका छन् ।
