महेन्द्रनगर। सुदूरपश्चिम प्रदेशमा डेङ्गुको सङ्क्रमण बढ्न थालेको छ।बर्सातको मौसममा डेङ्गुको सङ्क्रमण प्रायः बढ्ने गर्दछ।
प्रादेशिक स्वास्थ्य निर्देशनालयका अनुसार, हालसम्म २२९ जनामा डेङ्गु पुष्टि भएको छ।सबैभन्दा बढी डोटीमा ५३ जना डेङ्गु संक्रमित भएका छन्। कैलालीमा ४७, अछाममा ४५, कञ्चनपुरमा ३४, दार्चुलामा १८, बाजुरामा १६, डडेलधुरामा ८, र बैतडी र बझाङमा ४(४ जना संक्रमित भएका छन्।
गर्मी र बर्सातको समयमा लामखुट्टेको वृत्तिविकास हुने हुँदा डेङ्गुको सङ्क्रमण बढी हुने बताइएको छ। हेमराज जोशी, प्रादेशिक स्वास्थ्य निर्देशनालयका भेक्टर कन्ट्रोल अधिकृतले यो समयमा डेङ्गुको जोखिम बढी रहने कुरा उल्लेख गर्नुभयो। एडिज जातको पोथी लामखुट्टेको टोकाइबाट मानिसलाई डेङ्गु लाग्ने गर्दछ। विशेष गरी, यो लामखुट्टे घाम उदाएको दुई घण्टा पछाडि र घाम अस्ताउनुअघि दुई घण्टा टोक्ने गर्दछ।
डेङ्गु रोग लाग्दा उच्च ज्वरो आउने, मांसपेशी र टाउको दुख्ने, बान्ता हुने, थकान लाग्ने जस्ता लक्षण देखा पर्न सक्छन्। यसबाट बच्नका लागि लामखुट्टेको टोकाइबाट जोगिनुपर्छ। झुल लगाएर मात्र सुत्न, घर वरिपरि सरसफाइ गर्न, र भाँडाकुँडामा लामो समयसम्म पानी जम्न नदिने जस्ता सावधानी अपनाउन सुझाव दिइएको छ।
