काठमाडौँ । प्राविधिक प्रहरी निरीक्षक (इन्सपेक्टर) डा. प्रिति मिश्र, जो नेपाल प्रहरी अस्पतालको सर्जिकल शाखामा कार्यरत छन्, सम्पर्कविहीन भएको विषयमा गृह मन्त्रालयले शुक्रबार सूचना जारी गरेको छ।
डा. मिश्र पर्साको साविक हरिहरपुरकी हुन् र हाल मधेश प्रदेश प्रहरी अस्पताल सप्तरीमा कार्यरत छन्। उनी गत वैशाख १० गतेदेखि १५ दिनको घर बिदा स्वीकृत गरेर बिदामा गएका थिए। तर, बिदा सकेपछि पनि उनी सम्पर्कमा नआएकाले गृह मन्त्रालयले हाजिर हुन सात दिने सूचना जारी गरेको हो।
सूचना अनुसार, सात दिनको म्यादभित्र आफुलाई गैर हाजिर हुनको कारण खुलाएर सन्तोषजनक स्पष्टीकरण नपठाउने अवस्था आएमा, भविष्यमा सरकारी सेवामा अयोग्य ठहरिने गरी सेवाबाट हटाइने चेतावनी दिइएको छ।
मन्त्रालयको सचिवस्तरीय निर्णय अनुसार, सम्पर्कविहीन प्रहरी निरीक्षकको कारण र अवस्था स्पष्ट गर्न नसकेमा थप कानूनी कदम चालिने बताइएको छ।
