महेन्द्रनगर । कञ्चनपुरको बेलडाँडीमा बाढीमा आधारित कृत्रिम नमुना अभ्यास गरिएको छ । निड्स नेपाल र अक्सफामको साझेदारीमा सञ्चालित स्कोप आर थ्री परियोजनाको आयोजनामा बुधबार बेलडाँडीका तीन ठाउँमा बाढीमा आधारित कृत्रिम नमुना अभ्यास गरिएको परियोजनाका सामाजिक परिचालक जानकी शाहीले जानकारी दिनु भएको छ ।
![वातावरण संरक्षण तथा समाज कल्याण संघ नेपाल (पेशवान) द्वारा जारी सूचना ।।](https://nigaranikhabar.com/wp-content/uploads/2024/01/22fd5bae-c175-49e7-8e38-cc351ae8f5e6.jpg)
बेलडाँडी गाउँपालिका वडा नम्बर ३ कमरी, वडा नम्बर ५ झिलमिला र वडा नम्बर ५ कै गौडीमा नमुना अभ्यास गरिएको हो । कृत्रिम नमुना अभ्यासमा परियोजनाका सहजकर्ता जनक लेखकले विपद्को समयमा गरिने गतिविधिको स्थलगत अभ्यास सहजीकरण गर्नु भएको थियो।
![](https://nigaranikhabar.com/wp-content/uploads/2022/11/harikrishna-traders-suppliers.gif)
कृत्रिम नमुना अभ्यास कार्यक्रममा स्थानीय जनप्रतिनिधि, स्वास्थ्यकर्मी, सुरक्षाकर्मी, सञ्चारकर्मी, सामुदायिक विपद् व्यवस्थापन समितिका पदाधिकारी र सदस्य तथा समुदायका नागरिकको सहभागिता रहेको थियोे । सहभागीहरूले विपद्को समयमा आआफ्नो क्षेत्रबाट सक्रिय भएर विपद् व्यवस्थापनका कार्यमा लाग्ने प्रतिबद्धता जनाउनु भएको छ ।
![](https://nigaranikhabar.com/wp-content/uploads/2024/01/NNSWA.jpg)