Thursday, May 30, 2024

भीमदत्तका निर्वतमान मेयर बिष्ट सहित कर्मचारीहरुलाई विशेष अदालतबाट सफाइ

प्रकाशित:

महेन्द्रनगर । भीमदत्त नगरपालिकाका निवर्तमान मेयर सुरेन्द्र बिष्ट सहित १० जनाल सफाई पाएका छन् ।

अख्तियार दुरुपयोग अनुसन्धान आयोगले कञ्चनपुरको भीमदत्त नगरपालिकाका पूर्व मेयर सुरेन्द्र बहादुर बिष्ट, तत्कालीन निमित्त प्रमुख प्रशासकीय अधिकृत हरिदत्त जोशीसमेत १० जना र भवानी कन्स्ट्रक्सन प्रालिविरुद्ध राजस्व चुहावट गरी भ्रष्टाचार गरेको आरोपमा मंगलबार विशेष अदालतमा मुद्दा दायर गरेको थियो ।

उक्त मुद्धामा विशेष अदालतले दाबी नपुग्ने फैसला गर्दै मंगलबार सफाइ दिएको हो । कोरोना महामारीको बेला महाकाली नदीको नदीजन्य पदार्थ संकलन नभएको अवस्थामा रोयल्टी छुट दिएको अवस्थामा अख्तियारले भ्रष्टाचार मुद्दा दायर गरेको थियो । अख्तियारले विशेष अदालतमा भवानी कन्स्ट्रक्सन प्रालि समेत ११, सुरेन्द्र विष्ट समेत १४ र सुरेन्द्र विष्ट समेत १२ गरी ३ मुद्दा दायर गरेकोमा सबै मुद्दामा सफाइ हुने फैसला भएको छ ।

विशेष अदालतका न्यायाधीश टेक नारायण कुँवर, रामबहादुर थापा र रितेश थापाको इजलासले मंगलबार भ्रष्टाचार मुद्दामा सफाइ हुने फैसला गरेको छ । उक्त फैसला पश्चात भीमदत्त नगरपालिकामा कार्यरत सबै कर्मचारीहरु पुनः आफ्नो जिम्मेवारीमा फर्किने छन् ।

ताजा समाचार

सम्बन्धित समाचार