धनगढी । कैलालीको धनगढीबाट बालकसहितकी महिलाको उद्धार गरिएको छ । धनगढी उपमहानगर वडा नम्बर ५ बाट उनको उद्धार गरिएको हो । धनगढी उपमहानगरपालिकाको नगर प्रहरीले शनिवार राति उनको उद्धार गरेको छ ।
नगर प्रमुख गोपाल हमालको सचिवालयका अनुसार उनको परिचय खुलेको छैन । ३५ वर्षीया महिलाको मानसिक अवस्था ठिक नरहेको भन्दै स्थानीयले नगर प्रहरीलाई खबर गरेका थिए । उनको उद्धार गरेर दृष्टि फाउन्डेनको जिम्मा लगाइएको छ।
