महेन्द्रनगर । कञ्चनपुरमा अत्यधिक चिशो बढेपछि दुई पालिकाले आफना सबै शैक्षिक संस्था बन्द गर्ने निर्णय गरेका छन् । कञ्चनपुरको शुक्लाफाँटा नगरपालिका र कृष्णपुर नगरपालिकाले २ दिन विद्यालयहरु बन्द गर्ने निर्णय गरेका हुन् । नगरपालिकाले पछिल्लो समय अत्यधिक जाडो बढेको भन्दै माघ ४ र ५ गते विद्यालयमा जाडो विदा दिने निर्णय गरेको हो ।
प्रतिकुल मौसमका कारण विद्यार्थीहरुको पठनपाठनमा असहजता र स्वास्थ्य अवस्थामा समेत प्रतिकुल असर पर्ने अवस्था भएकाले बिद्यालयको जाडो विदाबाट २ दिन विदा दिने निर्णय गरिएको हो ।
