महेन्द्रनगर । कञ्चनपुरको भीमदत्त नगरपालिका वडा नं. १८ ले एचआईभी संक्रमित नागरिकहरुलाई आर्थिक सहयोग गर्ने भएको छ ।
सोमबार भीमदत्त–१८ ले सूचना जारी गर्दै एचआइभी संक्रमित नागरिकहरुलाई १५ दिन भित्र वडा कार्यालयमा सम्पर्क राख्न अनुरोध गरेको छ ।
भीमदत्त–१८ मा स्थायी बसोबास भएका एचआईभी संक्रमित नागरिकहरुले आफ्नो पहिचान खुल्ने परिचय पत्र र बैंक खाता विवरण सहित वडा कार्यालयमा सम्पर्क गर्नकालागि सूचना जारी गरेको वडा सचिव दिनेश राज भट्टले बताए ।
