-महेन्द्रनगर । कञ्चनपुरको सीमा नाका गड्डाचौकीबाट खुट्टा भित्र लुकाएर ल्याउदै गरेको अवस्थामा लागु औषध खैरो हिरोइन सहित दुई युवक पक्राउ परेका छन् ।
मंगलबार लागु औषध नियन्त्रण ब्युरो शाखा महेन्द्रनगर, जिल्ला प्रहरी र नेपाल प्रहरी प्रदेश कार्यालयकोसंयुक्त टोलीले दुई ग्राम ७० मिलिग्राम लागु औषध खैरोहिरोइन सहित दुई युवक पक्राउ गरेको छ ।
बेदकोट–६ मुसेपानीका २७ वर्षिय तारा सिंह घटाल र सोहि ठाउँका दिपक भाटलाई प्रहरीले गोप्य सुचनाका आधारमा खानतलास गर्दा गड्डाचौकी ७ नं. सीमा पिल्लरबाट लागु औषध खैरो हिरोइन खुट्टा भित्र लुकाएर ल्याउदै गरेको अवस्थामा पक्राउ गरेको लागु औषध नियन्त्रण ब्युरो शाखा महेन्द्रनगरका पदम सिंह बिष्टले बताए ।
पक्राउ परेका दुवैमाथि थप अनुसन्धान थालिएको कञ्चनपुर प्रहरीले जनाएको छ ।
