दोधारा । दोधारा चाँदनी नगरपालिका– ५ का वडाध्यक्ष केशव खत्रीले सडकमा भएका खाल्डा खुल्डी पुरेका छन् । दोधारा चाँदनी नगरपालिकाको मुल सडक खण्डमा भएका खाल्डा खुल्डी पुर्न वडाध्यक्ष केशव खत्री आफै उत्रेका छन् ।
उनले दोधारा चाँदनी नगरपालिका– ५ को ईलाका प्रहरी कार्यालय देखि माननिय चौराह तथा आसपासका सडकहरुमा भएका खाल्डा खुल्डीमा सिमेन्ट, गिट्टीलाई हालेर सडकमा रहेका खाल्डा खुल्डी पुरेका छन् ।
आफ्नो ब्यक्तीगत रकमबाट सडकमा रहेका खाल्डा खुल्डी पुर्ने कार्य गरिएको वडाध्यक्ष केशव खत्रीले बताएका छन् । उनलाई उनका सहकर्मी वडा सदस्य दिनेश थापा लगाएतहरुले सघाएका छन् ।
आज बिहान ट्याक्टरमा बालुवा, गिट्टी तथा सिमेन्ट हालेर आफ्नो वडामा रहेका सडकमा रहेका खाल्डा खुल्डी पुर्न थाले संगै स्थानियबासीहरुले उत्सुकताका साथ हेरेका थिए ।
उनका अनुसार बिगतका दिनहरुमा सडकमा भएका खाल्डा खुल्डीको कारण मोटर साईकल दुर्घटना हुदै गरेको कारण दुर्घटना न्युनिकरण गर्न सडकमा रहेका खाल्डा खुल्डी पुर्ने कार्य गरिएको बताएका छन् ।
सडकमा देखिएका खाल्डा खुल्डीको पुरे सडक दुर्घटना केही हद सम्म न्युनिकरण हुने वडाध्यक्ष खत्रीले बिश्वास लिएका छन् ।
ईलाका प्रहरी कार्यालयबाट माननिय चौराह हुदै भट्टी नाला सम्मको सडकहरुमा रहेका खाल्डा खुल्डी पुर्ने काम सकिएको वडाध्यक्ष खत्रीले बताएका छन् ।
