महेन्द्रनगर । शिक्षा विधेयक आफुहरुको पक्षमा नरहेको भन्दै शुक्रबार शिक्षकहरुले उक्त विधेयक जलाएका छन् ।
शिक्षकहरुका विभिन्न संघ एवं संगठनहरुले शिक्षा विकास तथा समन्वय ईकाई महेन्द्रनगरको कार्यालय परिसरमा सयुक्त आन्दोलन गरेर शिक्षा विधेयक जलाएका हुँन ।
शिक्षा विधेयक शिक्षक, कर्मचारीको हित विपरित भएको नेपाल राहत शिक्षक समिति केन्द्रीय सह बरिष्ठ अध्यक्ष नविन सिंह धामीले बताए ।
‘यो कालो विधेयक जलाउने मात्रै होईन, परास्थ पार्नुपर्छ, ‘उनले भने, ‘आज त यो साँकेतिक मात्रै हो, ‘उनले भने, ३ असोजदेखि थप सडक आन्दोलन गछौँ ।’
नेपाल शिक्षक संघ सुप प्रदेशका अध्यक्ष बिर्ख बहादुर मल्लले विधेयक कालो भएकाले त्यस बिरुद्धमा देशैभरीका शिक्षक आन्दोलनमा उत्रिएको बताए ।
