महेन्द्रनगर । नेपाल इँटा उद्योग महासंघ सुदूरपश्चिम प्रदेश समिति अध्यक्ष बलदेवसिंह बुडाल निर्वाचित भएका छन् ।
शनिबार धनगढीमा भएको पहिलो अधिवेशनबाट बुडालको अध्यक्षतामा प्रदेश समिति चयन गरिएको छ ।
प्रदेश अध्यक्ष पदका लागि भएको निर्वाचनमा बुडालले ४० मत पाउँदा निकटतम प्रतिस्पर्धी विनोदकुमार शाहले १५ मत पाएका छन् भने २ मत बदर भएको थियो ।
महासंघको वरिष्ठ उपाध्यक्षमा टेकबहादुर बोहरा, उपाध्यक्षमा मुक्ति सुवेदी, महासचिवमा भरत विष्ट, कोषाध्यक्षमा सुरत श्रेष्ठ, सदस्य महाकालीमा करणसिंह धामी र सदस्य सेतीमा तेज भण्डारी निर्वाचित भएका छन् ।
महासंघले इँटा व्यवसायीको हकहितमा काम गर्दै आएको छ । संघीयताको कार्यान्वयनपछि सुदूरपश्चिम प्रदेशमा पहिलोपटक अधिवेशन भएको छ ।
कञ्चनपुरको बेलौरी निवासी अध्यक्ष बुडाल यसअघि इँटा महासंघकै विभिन्न तहका समितिमा रहेका थिए ।
