महेन्द्रनगर । भिरबाट लडेर दार्चुलामा दुई जनाको मृत्यु भएको छ ।
![वातावरण संरक्षण तथा समाज कल्याण संघ नेपाल (पेशवान) द्वारा जारी सूचना ।।](https://nigaranikhabar.com/wp-content/uploads/2024/01/22fd5bae-c175-49e7-8e38-cc351ae8f5e6.jpg)
जिल्लाको मार्मा गाउँपालिका-१ घुल्जरमा लागेको नयाँ वर्ष (बिसु) को जात्राबाट घर फर्किने क्रममा भिरबाट लडेर दुई जनाको मृत्यु भएको हो ।
![](https://nigaranikhabar.com/wp-content/uploads/2022/11/harikrishna-traders-suppliers.gif)
जिल्ला प्रहरी कार्यालयका अनुसार मार्मा गाउँपालिका-१ घोल्जर पाखुकी ५१ वर्षीया कुटुमा देवी ठगुन्ना र साथमा रहेकी नातिनी पर्ने २ वर्षीया सोनिया धामीको भिरबाट लडेर मृत्यु भएको छ ।
![](https://nigaranikhabar.com/wp-content/uploads/2024/01/NNSWA.jpg)
शुक्रबार राति बिसु जात्राबाट घर फर्किने बेला उनीहरू बेपत्ता भएका थिए । शनिबार उनीहरुको शव सुङगर भिरमा फेला परेको प्रहरीले जनाएको छ ।
शवलाई लटिनाथ स्वास्थ्य चौकीमा राखिएको छ । अहिले ईलाका प्रहरी कार्यालय लटिनाथको टोली घटनास्थलमा छ ।
घटनाबारे थप अनुसन्धान भइरहेको जिल्ला प्रहरी कार्यालय दार्चुलाले जनाएको छ ।