महेन्द्रनगर । डडेल्धुरामा गठबन्धनबाट प्रतिनिधिसभा सदस्यका लागि उम्मेदवार समेत रहेका प्रधानमन्त्री शेरबहादुर देउवा चुनावी कार्यक्रमका लागि कार्तिक १७ गते गृहजिल्ला डडेल्धुरा जाने भएका छन् ।
१७ गतेदेखि सुरु हुने चार दिने कार्यक्रमका लागि देउवा जिल्ला आउने कार्यक्रम रहेको काँग्रेस डडेल्धुराका सभापति भीमबहादुर साउँदले जानकारी दिए ।
उनकाअनुसार यहाँको चारदिने कार्यक्रम सकेर देउवा फेरि काठमाडौं फर्किने र निर्वाचनको केही दिन अगाडि पुनः जिल्ला फर्किने छन् । यसअघि देउवाले एउटामात्रै निर्वाचन क्षेत्र रहेको डडेल्धुरामा श्रीमती आरजु राणा देउवा मार्फत् मनोनयन दर्ता गराएका थिए ।
