महेन्द्रनगर । नेपाली कांग्रेस कञ्चनपुरका नेता तथा निर्वाचन क्षेत्र नं. ३ (२) बाट लोकतान्त्रिक वाम गठबन्धनका साँझा उम्मेदवार हुन्, बेल बहादुर राना । १७ वर्षको उमेर देखि विद्यार्थी राजनीतिमा होमिएका राना तत्कालिन समयमा नेपाल विद्यार्थी संघ (नेविसंघ) को खम्बाको रुपमा चिनिन्थे ।
दोधारा चाँदनीको भानु माद्यमिक विद्यालयबाट नेविसंघको राजनीति सुरु गरेका राना ०४९ सालमा गाउँ विकास समितिको सदस्य निर्वाचित भएका थिए । ०५४ सालमा उनी दोधारा गाउँ विकास समितिको अध्यक्षमा निर्वाचित भएका थिए ।
नेपाली कांग्रेसका लागि दोधारा चाँदनीको पिलर नै हुन्, उम्मेदवार राना । पार्टीको जिल्ला कार्यसमितिमा रहेर काम गरेको अनभव संगै नेपाली कांग्रेसको ११ औं, १२, १३ र १४ औं महाधिवेशनबाट उनी निरन्तर महाधिवेशन प्रतिनिधिमा निर्वाचित भएका व्यक्ति हुन् ।
दोधारा चाँदनीबासीको हकहित र उत्थानका लागि निरन्तर आवाज उठाउँदै आएका राना यस पटक आउदो मंसिर ४ मा हुँने प्रतिनिधि तथा प्रदेश सभाको निर्वाचनमा कञ्चनपुर ३ (२) बाट प्रदेश सभा सदस्यका लागि प्रतिस्पर्धी बनेका छन् ।
दोधारा चाँदनीमा राजनीतिको क्षेत्रमा सबैका परिचित पात्र हुन्, बेलबहादुर राना । महाकाली पारीको बस्ती दोधारा चाँदनी सम्म केन्द्र सरकारको नजर पुग्न नसकेको समयमा राना मात्रै एक यस्ता पिलर थिए, जसले केन्द्र सरकारको आँखा खोल्न सकेका थिए । झोलुङ्गे पुल देखि विभिन्न ठाउँका कल्र्भट, पुल, पुलेसा तथा महाकाली र जोगबुडा नदीमा तटबन्धको व्यवस्था गर्न दबाव सिर्जना गरेका थिए ।
बेल बहादुरको प्राथमिकतामा दोधारा चाँदनी जहिले पनि पर्दै आएको छ । स्थानीय गाउँ ठाउँमा राजनीति गर्दा सबै महाकाली वारीका दाजु भाई आफ्नै परिवारको सदस्य भए जस्तो अनुभुती हुने गरेको उनी बताउछन् ।
दोधारा चाँदनीमा बेल बहादुर किन ?
–महाकाली नदीको बाधलाई पक्की बनाउने ।
–जोगबुडाको जीरो पोइन्ट देखी कुतियाकभर सम्म, महकाली नदीको जस्तै पक्की बाधको कार्य अगाडी बढाउन ।
–बनबासा नहरबाट दोधारा–चाँदनीमा आउने नहरमा ३५० क्यूसेक पानी भारतले दिने कुरा भएको हुँदा, यो कामलाई पाँच वर्ष भित्र अगाडी बढाउन ।
–किसानका लागि मल खादका समस्याहरु समाधान गर्न ।
–दोधारा–चाँदनीमा खेलकुदका लागि जग्गाको प्रबन्ध संगै पाँच वर्षमा ‘स्टेडियम’ बनाउने कार्य अगाडी बढाउन ।
–दोधारा–चाँदनीमा पक्की पुलको पाटो नभई झोलुङ्गे पुलले जोडिएका गाउँ बस्तीहरुलाई पक्की पुलले जोड्न ।
लोकतान्त्रिक वाम गठबन्धनका साँझा उम्मेदवार बेलबहादुर राना दोधारा चाँदनी ७ का स्थानीय हुन्, भने उनका प्रतिस्पर्धी भीमदत्त नगरपालिकाका निर्वतमान नगर प्रमुख सुरेन्द्र बिष्ट हुन् । बिष्ट नेकपा एमाले कञ्चनपुरका जिल्ला अध्यक्ष समेत हुन् । कञ्चनपुर ३ (२) मा राना र बिष्ट बिच निकै रोचक प्रतिस्पर्धा हुँने आकलन गरिएको छ ।
