महेन्द्रनगर । कैलाली जिल्लाको घोडाघोडी नगरपालिका वडा नम्बर-९ शिखरझालाको मगर टोलमा देउसी खेल्दा सामूहिक झडप भएको छ ।
इलाका प्रहरी कार्यालय सुखडका प्रमुख तथा प्रहरी नायव उपरिक्षक लक्ष्मणबहादुर शाहीका अनुसार मंगलबार राती देउसी खोल्नेक्रममा विवाद हुँदा दुई समूह बिच झडप भएको हो ।
एक समूहले अर्को समूहका युवालाई घर–घरमा गएर कुटपिट गरेका शाहीले बताए । शिखरझालाका १८ / १८ वर्षिय डम्बर बिष्ट र रमेश भुललाई प्रहरीले नियन्त्रणमा लिएको छ ।
कुटपिटबाट ५८ वर्षिय भक्तबहादुर धर्तीमगर, ५२ वर्षिय हिरादेवी धर्तीमगर र २० वर्षिय जगत देउवा घाइते भएका छन् । उनीहरुको घोडाघोडी अस्पतालमा उपचार भइरहेको इलाका प्रहरी कार्यालयले बताए । इलाका प्रहरी कार्यालयले मुद्दा दर्ताको प्रक्रियामा रहेको बताएको छ ।
पक्राउ परेका युवाका अनुसार पाँच जना युवाले कुटपिट गरेका डिएसपी शाहीले बताए । अन्य तीन जना फरार भएका र उनीहरुको खोजीकार्य भइरहेको डिएसपी शाहीले बताए ।
