काठमाडौँ । चोरी भएको वा हराएको स्मार्टफोन हत्तपत्त फेला पर्दैन । यसरी फोन फेला पर्नु कुनै आश्चर्यभन्दा कम हुन्न । फोनमा अनेकौं सुविधा छन्, थरीथरीका प्रविधि राखिएका छन् । तर आज पनि चोरी भएको फोन पत्ता लगाउन निकै गाह्रो छ ।
कहिलेकाँही प्रहरीको अथक प्रयासले पनि फोन भेटिन्न । तर अब गुगलले भने चोरी भएका फोनलाई सुरक्षित राख्न नयाँ फिचरको घोषणा गरेको छ ।
गुगलले एन्ड्रोइड स्मार्टफोनलाई पहिले भन्दा धेरै सुरक्षित बनाएको छ । तपाइँको फोन चोरी भएको छ भने, नयाँ ‘थेफ्ट डिटेक्शन लक’ ले तपाइँको व्यक्तिगत जानकारी सुरक्षित राख्नेछ ।
चोरका लागि पनि फोन बेकार हुनेछ । गुगलको यो फिचर हाल अमेरिकामा एन्ड्रोइड स्मार्टफोन प्रयोगकर्ताका लागि जारी गरिएको छ । यो सुविधा भर्खरै लन्च गरिएको स्मार्टफोनमा दिइएको थियो ।
गुगलले फोन चोरीसम्बन्धी तीन प्रमुख सुविधाहरू ल्याएको छ । जसमा चोरी भएपछि फोन स्वतः ‘थेफ्ट डेडिकेशन लक मोड’मा जानेछ र फोन बन्द हुनेछ ।
फोनमा रहेका डेटासम्म चोर पुग्न सक्ने छैन । नयाँ थेफ्ट डिटेक्शन लक फिचरले मेसिन लर्निङ मोडेलको प्रयोग गर्छ । यसले प्रयोगकर्ताको हातबाट फोन कहिले खोसियो छ र चोर कसरी (पैदल वा गाडी)मा भाग्न खोजिरहेको छ भनेर पहिचान गर्न सक्ने बताइएको छ ।
यो पत्ता लाग्ने बित्तिकै एन्ड्रोइड स्मार्टफोन स्वतः ‘थेफ्ट डिटेक्शन लक मोड’ मा जान्छ र तुरुन्तै लक हुनेछ । फोनमा रहेको डाटासम्म चोर पुग्नै सक्दैन ।
अफलाइन डिभाइस लक भनिने अर्को सुविधा पनि छ । लामो समयसम्म चोरले फोनबाट इन्टरनेट कनेक्शन हटाउने कोशिश गर्दा यो फिचरले काम गर्न थाल्छ ।
रिमोट लक फिचरले फाइन्ड माई डिभाइस म्यानेजर एप वा वेबमार्फत प्र्रयोगकर्तालाई चोरिएको वा हराएको आफ्नो फोन टाढैबाट लक गर्ने सुविधा दिन्छ । –एजेन्सी
