कञ्चनपुर। कैलालीमा प्रतिवन्धित औषधी सहित एक युवक पक्राउ परेका छन्। जिल्ला प्रहरी कार्यालयका अनुसार पक्राउ पर्नेमा कञ्चनपुरको बेदकोट नगरपालिका–५ का २३ वर्षीय दीपकराज जोशी छन्।
वडा प्रहरी कार्यालय धनगढीबाट खटिएको प्रहरी टोलीले धनगढी उपमहानगरपालिका–२ बैयावेहडी चोकबाट जोशीलाई पक्राउ गरेको हो।
उनले सञ्चालन गरेको केयर फस्ट फर्मेसीबाट प्रतिबन्धित औषधी ट्रामाडोल बिक्री वितरण गरी रहेको अवस्थामा फेला परेको थियो।
२१ ट्याब्लेट प्रतिबन्धित औषधी ट्रामाडोल बरामद गरिएको प्रहरीले जनाएको छ। जोशीलाई नियन्त्रणमा लिएर उनीमाथि थप अनुसन्धान भइरहेको छ।
