महेन्द्रनगर । कञ्चनपुरको भीमदत्त नगरपालिका–१३ बडैपुरमा गौरा पर्वको अवसरमा वडा स्तरिय महिला मैत्री देउडा खेल प्रतियोगिता भएको छ ।
शनिवार देखि भीमदत्त–१३ बडैपुरको सिद्धनाथ माद्यमिक विद्यालयको प्रांगणमा वडा स्तरिय महिला मैत्री देउडा खेल प्रतियोगिता एवं भेटघाट कार्यक्रम आयोजना गरिएको छ ।
वडा कार्यालयको आयोजनामा सुदूरपश्चिमेलीहरुको मौलिक पर्व गौराको अवसरमा संस्कृति जर्गेनाका लागि उक्त कार्यक्रम राखिएको वडाध्यक्ष राम बहादुर बोहराले बताए ।
‘हामी सुदूरपश्चिमेलिहरुको मौलिक परम्परा, रहनसहन तथा संस्कृति एवं संकारको जर्गेनाकालागि वडा कार्यालयले गौरा पर्वको अवसरमा यो कार्यक्रम राखेको हो ।’ वडाध्यक्ष बोहराले भने ।
शनिवारदेखि सुरु भएको उक्त प्रतियोगिता आज आईतबार समापन हुँने वडाध्यक्ष बोहराले बताए । उक्त प्रतियोगितामा डेउडा खेलको संयोजन वडा सदस्य फुल परीले गरेकी थिइन् ।
