महेन्द्रनगर । सुदूरपश्चिम विश्वविद्यालयले स्नातक तहका विभिन्न शैक्षिक कार्यक्रममा भर्ना खोलेको छ । विश्वविद्यालय सेमेस्टर प्रणाली अन्र्तगत विभिन्न संकायका शैक्षिक कार्यक्रमका लागि भर्ना खोलेको हो ।
विश्वविद्यालयले शैक्षिक सत्र २०८१/०८२ का लागि भर्ना खोलेको छ । विश्वविद्यालयका रजिष्ट्रार यज्ञराज पाठकका अनुसार मानविकी तथा समाज शास्त्र, व्यवस्थापन, शिक्षा शास्त्र, विज्ञान तथा प्रविधि, इन्जिनियरिङ्ग, काननु, कृषि विज्ञान र प्राकृतिक स्रोत व्यवस्थापनमा भर्ना खोलिएको छ ।
विश्वविद्यालयले स्वास्थ्य विज्ञान संकायको परीक्षा चिकित्सा शिक्षा आयोगको सिफारिश अनुसार सञ्चालन गर्ने जनाएको छ । डडेल्धुरामा स्वास्थ्य विज्ञान संकायको पठनपाठन हुनेछ ।
