महेन्द्रनगर । धनगढीको ऐश्वर्य बिद्या निकेतन तथा नेपाल गणित समाजद्वारा आयोजित प्रदेश स्तरको गणित प्रतियोगितामा ईन्टरनेस्नल पब्लिक स्कुल कंचनपुर प्रथम भएको छ। प्रतियोगितको प्रथम चरणमा ९७, दोश्रो चरणमा १६ र अन्तिम तेस्रो चरणमा ६ स्कुलहरु सहभागी थिए, जस्मा दोश्रो स्थान महेन्द्र मा बि साधारण कटान कंचनपुर र तेस्रो स्थान पुर्ण लक्ष्मी मा बि अत्तरिया कैलाली भएको छ। प्रतियोगितामा प्रथम हुने बिद्यालय ईन्टरनेस्नल स्कुलका कक्षा १० का नैतिक बैज, सुप्रीत रावल र दिनेश पाण्डे विद्यार्थीहरुले प्रतिनिधित्व गरेका थिए ।
स्मरण रहोस यो बिद्यालय क् परीक्षामा सुदूर पश्चिममै सात पटक प्रथम भइ नेपाल सरकारबाट क्षेत्रीय बिद्या शिल्डबाट पुरस्कृत भएको र बोर्ड २०७२ को परीक्षामा स्मेत यस बिद्यालयका विद्यार्थी सुभाष लामिछानेले तेस्रो स्थान प्राप्त गरेको उल्लेखनीय उपलब्धि रहेको छ।त्यस्तै स्थानीय देखि राष्ट्रिय ,अन्तर्राष्ट्रिय स्तरका विभिन्न प्रतियोगिताहरुमा आफ्नो सहभागिता र सफलताको बर्चस्व कायम गर्दै आएको यस बिद्यालयले मुलुकमै शिक्षक्षेत्रमा आफ्नो पहिचान बनाउन सफल भएको छ।
साथै गणित विषयका सिनियर शिक्षकहरु नगेन्द्र कलौनी र गोबिन्द गिरीमा कलौनीलाई गत वर्ष २०८० को राष्ट्रिय शिक्षा पुरस्कार प्रदान गर्ने नेपाल सरकारले घोषणा गरेको छ।संस्कार सहितको गुणस्तरिय शिक्षा दिदै आएको यस बिद्यालयले २ वर्ष अघि २०७९ मा आफ्नो रजत जयन्ती मनाएको छ। बिद्यालय व्यवस्थापन समितिको अध्यक्ष समाजसेवी लिलाध्वज बस्नेत र संचालक समितिको अध्यक्ष गौराज बहादुर लिम्बू रहेको यस बिद्यालयको प्रीन्सिपलमा राजेन्द्र भट्ट र प्रमुख संचालकमा गणेश बोहरा रहेका छन
