Monday, June 24, 2024

दोधारा चाँदनीमा ८५ जना विपन्न वालवालिकालाई शैक्षिक सामग्री वितरण

प्रकाशित:

दोधारा । दोधारा चाँदनीमा विद्यार्थीहरुलाई शैक्षिक सामग्री वितरण गरिएको छ । आइतबार दोधारा चाँदनीमा नेपाल आदिवासी जनजाती महासंघले ८५ जना जेहनदार विद्यार्थीहरुलाई शैक्षिक सामग्री वितरण गरेको हो ।

दोधारा चाँदनीमा छात्रवृत्ती वितरण कार्यक्रम अन्तर्गत विपन्न बालबालिकालाई शैक्षिक सामग्री वितरण गरिएको नेपाल आदिवासी जनजाति महासंघ दोधारा चाँदनीका अध्यक्ष डम्मर गुरुङले बताए । दोधारा चाँदनी नगरपालिकाको आर्थिक सहयोगमा उक्त कार्यक्रम गरिएको उनले बताए ।

विपन्न बालबालिकालाई पठनपाठनमा सहजता होस्, भनेर छात्रवृत्ती स्वरुप झोला, कापी, शब्दकोश लगायतका शैक्षिक सामग्री वितरण गरिएको अध्यक्ष गुरुङले बताए ।

शैक्षिक सामग्री पाएपछि आर्थिक अवस्था कमजोर भएका र जेहनदार बालबालिकालाई अध्ययन गर्न सजिलो भएको दोधारा चाँदनी नगरपालिका–८ स्थानीय तमान सिंह गुरुङले जानकारी दिए ।

उक्त शैक्षिक सामग्री वितरण कार्यक्रममा दोधारा चाँदनी नगरपालिका नगर प्रमुख किशोर कुमार लिम्बु लगायत जनप्रतिनिधि तथा नेता कार्यक्रताहरुको उपस्थिती रहेको थियो ।

ताजा समाचार

सम्बन्धित समाचार