महेन्द्रनगर । ईलाका प्रहरी कार्यालय बेलौरीले अवैध पेय पदार्थ डियु बरामद गरेको छ । बुधबार बेलौरी प्रहरीले भारत बाट भन्सारछली ल्याएको अवैध पेय पदार्थ डियु बरामद गरेको बेलौरी ईलाका प्रहरी कार्यालय बेलौरीका प्रहरी निरीक्षक गौरी प्रसाद जैशीले बताए ।
उनले भने, ‘ईलाका प्रहरी कार्यालय बेलौरीबाट खटिएको प्रहरी टोलीले गस्तीको क्रममा १५ पेटी डियु, १५ पेटी कोक र २ बोरा सिस्टम नामक गुट्का बरामद गरी नष्ट गरिएको छ ।’
उक्त बरामद पदार्थको कुल मुल्य १ लाख २२ हजार ४ सय चालिस रुपैयाँ हुन आउँछ निरीक्षक जैशीले चौधरी खबर संगको कुराकानीमा भने ।, हामी दिन रात नगरको शान्ति सुरक्षा र अपराध अनुसन्धानमा खटिरहेका छौं । बेलौरीमा प्रहरी निरीक्षक जैशीको इन्ट्रीले तस्करहरुको चेन ब्रेक भएको स्थानीयको बुझाइ छ ।
