महेन्द्रनगर । सुदूरपश्चिममा राष्ट्रियसभा सदस्यको निर्वाचन सम्पन्न भएको छ ।
बिहिबार कैलालीको धनगढीमा सम्पन्न राष्ट्रियसभा सदस्यमा सुदूरपश्चिम प्रदेशका सत्ता गठबन्धनका तीनै जना उम्मेदवार निर्वाचित भएका छन् ।
महिला तर्फ माओवादीकी रेनु चन्द निर्वाचित भएकी हुन् । चन्दले ४ हजार ४५३ मत पाइन् । अ
पाङ्ग तर्फ नेपाली कांग्रेसका कैलालीका सभापति समेत रहेका नारायण दत्त भट्ट निर्वाचित भएका छन् । भट्टले ४ हजार ४१९ मत पाए ।
त्यस्तै अन्यतर्फ नेपाली कांग्रेसकै बलदेव बोहरा निर्वाचित भएका छन् । उनले ४ हजार ३४७ मत पाएका हुन् ।
सत्ता गठबन्धनका उम्मेद्वारहरु संग प्रमुख प्रतिपक्ष दल नेकपा एमाले पराजित भएको छ ।
सुदूरपश्चिममा एमालेको तर्फबाट महिलातर्फ सावित्री घिमिरे, अपाङ्गता तर्फ रामचन्द्र जोशी र अन्यतर्फ ईश्वरी खरेल उम्मेदवार रहेका थिए । उनी तीनै जना पराजित भएका हुन् ।
