महेन्द्रनगर । कञ्चनपुरका अग्रज पत्रकार लक्ष्मी जोशी पुरस्कृत भएका छन् ।
भीमदत्त नगरपालिकाको ४६ औं वर्ष (पाँचौं) स्थापना दिवसको अवसरमा अग्रज पत्रकार जोशीलाई राम बहादुर चन्द पत्रकारिता पुरस्कारबाट पुरस्कृत गरिएको हो ।
पत्रकारिता क्षेत्रको विकास तथा प्रवर्धनमा योगदान पुर्याएको भन्दै भीमदत्त नगरपालिकाले अग्रज पत्रकार जोशीलाई पुरस्कृत गरेको हो ।
आइतबार नगरपालिकाको सभाहलमा सम्पन्न ४६ औं वर्ष (पाँचौं) स्थापना दिवसको अवसरमा पत्रकार जोशीलाई पुरस्कृत गरिएको हो ।
पत्रकार जोशी सुदूर पश्चिमकै पत्रकारिता क्षेत्रका ‘इनिसिएटर’ हुन् । ०४५ सालदेखि पत्रकारिता क्षेत्रमा क्रियाशिल रहेका जोशीले सुदूरपश्चिमै सुरुवाति चरणका पत्रपत्रिकामा काम गरेका छन् ।
नेपाली कांगेसका केन्द्रीय सदस्य यज्ञराज जोशीले तत्कालिन अवस्थामा सञ्चालन गरेको महाकाली साप्ताहिक पत्रिकामा जोशीले लामो समय काम गरे ।
पत्रकार जोशी नेपाली कांग्रेसका नेता तथा प्रमुख सचेतक रमेश लेखकले पत्रकारिता सुरु गर्नु भन्दा पहिले देखि नै पत्रकारिता क्षेत्रमा सक्रिय व्यक्ति हुन् ।
त्यसपछिको लामो समय राष्ट्रिय समाचार समिति (रासस)मा रहेर काम गरेका अग्रज पत्रकार जोशी हाल आभाषकुञ्ज दैनिकको सल्लाहकार रहेका छन् ।
