महेन्द्रनगर । कञ्चनपुरकै जेष्ठ स्थानीय तह भीमदत्त नगरपालिकाले भोली (आइतबार) पाँचौ स्थापना दिवस मनाउने भएको छ । भीमदत्त नगरपालिका स्थापना भएको ४६ वर्ष पुरा भएको छ ।
भीमदत्त नगरपालिकाले वि.स. २०७६ देखि स्थापना दिवस मनाउन थालेको हो । निर्वतमान नगर प्रमुख सुरेन्द्र बिष्टले भीमदत्तमा ०७६ देखि स्थापना दिवस मनाउने परम्पराको थालनी गरेका हुन् ।
सोहि अनुरुप प्रत्येक वर्षको माघ ७ गते भीमदत्त नगरपालिकाको स्थापना दिवस मनाउन थालिएको हो । नगरपालिकाले भोली भव्यताका साथ स्थापना दिवस मनाउने तयारी गरेको प्रमुख प्रशासकीय अधिकृत महेश बहादुर बलमे बताए ।
पृष्ठभूमिः
वि.सं. २०३४ सालमा भूजेला, सिद्धनाथ र आदर्श गाउँ पञ्चायतका सम्पुर्ण भू–भाग तथा सुडा र ऐरी गाउँ पञ्चायतको आंशिक भू–भाग मिलाएर महेन्द्रनगर पञ्चायतको गठन भयो ।
तत्कालीन महेन्द्रनगर पञ्चायत, वि.सं. २०४७ सालको जनआन्दोलन पश्चात नाम परिवर्तन गरी महेन्द्रनगर नगरपालिका नामाकरण गरिएको हो ।
वि.सं. २०६५ साल कार्तिक २० गतेको नेपाल सरकार मन्त्रिपरिषदको निर्णयानुसार (शहिद भीमदत्त पन्तको सम्मान स्वरुप) भीमदत्त नगरपालिका नामाकरण गरियो ।
स्थानीय तह पुनर्संरचना आयोगको प्रतिवेदनको आधारमा नेपाल सरकारले वि.सं. २०७३ चैत्र देखि भीमदत्त नगरपालिकाका साविकका वडालाई कायम गरी स्थानीय सरकारको रुपमा कार्य गरिरहेको छ ।
 पाँचौ स्थापना दिवस मनाउने भएको छ । भीमदत्त नगरपालिका स्थापना भएको ४६ वर्ष पुरा भएको छ ।){kind=link}