बैतडी । शहीद दिवसको उपलक्ष्यमा बैतडीमा १६ वर्षमुनिको पुरूष क्रिकेट प्रतियोगिता हुने भएको छ । बैतडी जिल्ला क्रिकेट संघको आयोजनामा प्रतियोगिता यही माघ ९ गते शुरु हुनेछ ।
दशरथचन्द खेलमैदान सुन्दरखालीमा माघ ९ गते उद्घाटन खेलमा दशरथचन्द एकेडेमी र त्रिपुरा क्रिकेट क्लब भिड्ने बैतडी जिल्ला क्रिकेट संघका सचिव सिद्धराज बोकटीले जानकारी दिए। प्रतियोगिताको फाइनल खेल माघ ११ गते हुनेछ ।
उमेर समूहको यो प्रतियोगिताले खेलाडी उत्पादनमा सहयोग पुग्ने बैतडी जिल्ला क्रिकेट संघका अध्यक्ष विनोदबहादुर चन्दले बताए ।
