दार्चुला । दार्चुलाबाट कञ्चनपुरका लागि छुटेको बस दुर्घटना हुदाँ चालक सहित १४ जना घाइते भएका छन् ।
महाकाली यातायातको सुपप्र ००१ ख १०३१ नम्बरको बस शुक्रबार बिहान महाकाली नगरपालिका वडा नम्बर ५ किम्तडीस्थित फोहोर सङ्कलन केन्द्र नजिकै दुर्घटनामा परेको प्रहरीले जानकारी दिएको छ ।
घाइतेमध्ये दुई जनाको अवस्था गम्भीर रहेको छ भने, अन्यको अवस्था मध्यम छ । उनीहरूको दार्चुलास्थित जिल्ला अस्पतालमा उपचार भइरहेको र थप अनुसन्धान गरिरहेको दार्चुला प्रहरीले जनाएको छ ।
