महेन्द्रनगर । आगामी माघ ११ गते हुने राष्ट्रिय सभा सदस्यको निर्वाचनमा नेपाली कांग्रेस कञ्चनपुरले सबै क्लस्टरमा ८ जनाको नाम सिफारिश गरी पठाएको छ ।
कांग्रेसको केन्द्रीय समितिको निर्देशन अनुसार सबै क्लस्टरमा आकांक्षी उम्मेदवारहरुको नामावली सुदूरपश्चिम प्रदेश कार्यसमितिमा पठाएको नेपाली कांग्रेस कञ्चनपुरका सचिव भीमराज भट्टले बताए ।
खुल्लातर्फबाट केन्द्रीय सदस्य यज्ञराज जोशी सहित चार जनाको सिफारिश गरिएको छ । यज्ञराज जोशी, बलदेव बोहरा, प्रेम कुमार बिष्ट र ठाकुर बरालको नाम सिफारिस गरिएको जिल्ला सचिव भट्टले बताए ।
अपाङ्ग तर्फ निवर्तमान जिल्ला सचिव दिवाकर पाण्डेयको नाम सिफारिस गरिएको छ । यस्तै महिलातर्फ कल्पना केसी, माया भट्ट र शान्ता शर्माको नाम सिफारिस गरिएको पार्टी सचिव भट्टले बताए ।
प्रदेश कार्यसमितिले सिफारिश भएका नामहरु केन्द्रमा पठाउने र केन्द्रले उम्मेदवारको नाम टुंगो लगाउने उनले बताए ।
